Acompáñanos neste evento de 24 horas

Este obradoiro busca achegar a tecnoloxía ás empresas de Lugo dunha forma sinxela e práctica, para perderlle o medo e descubrir como pode axudarnos no día a día dos nosos negocios.

Durante a xornada contaremos con profesionais de IA e tecnoloxía cos que realizaremos diferentes dinámicas de grupo para aprender a utilizar estas ferramentas de maneira útil para as nosas empresas. Ademais, falaremos sobre algunhas axudas abertas e próximas convocatorias relacionadas coa dixitalización.

O encontro rematará cun espazo de networking acompañado duns pinchos, pensado para conversar, compartir ideas e xerar novas oportunidades de colaboración.